5 طرق لترطيب الشعر بتسبب الهيشان

مشكلة هيشان الشعر واحدة من أكبر 3 مشاكل موجودة عند البنات في مصر الوطن العربي… حتى لو شعرهم مش جاف! وده لأسباب كتيرة زي المناخ وزي ضعف الشعر أو روتين عناية مش مناسب لطبيعة الشعر أو عادات معينة بتعمليها في غسل وتجفيف وتصفيف الشعر .

الأكيد إنك بتحاولي تعالجيه وترطبيه بشكل يومي لكن هل ممكن تكوني بتعالجي الهيشان ده بطريقة .. بتضر شعرك ومع الوقت بتزود من الهيشان؟!

في المقال ده هقولك على أكتر 5 طرق مضرة لترطيب الشعر وعلاج الهيشان، أول وآخر طريقة بيقع فيهم أكتر من 90% من البنات.

ملحوظة: الطرق دي مش منهم بروتين أو كيراتين الشعر أو أي طريقة فرد كيميائي اللي 100% معروف ضررهم الكبير للشعر.

ولو عندك أي سؤال عن علاج هيشان الشعر اكتبيه في آخر المقال وهنرد عليكي خلال 24 ساعة.

1 – استخدام البلسم العادي للشعر:

معظم البنات فاكره إن استخدام أي بلسم أكيد بيرطب الشعر وبيحافظ عليه وبالفعل لو استخدمتي أي بلسم هتلاحظي ترطيب لحظي للشعر خصوصاً لأن قبلها الشامبو بيخلي الشعر جاف نسبياً لو فيه سلفات

لكن الحقيقة البلسم العادي اللي فيه مكوناته سيليكون أو زيوت معدنية زي Mineral Oil- Petrolatum- Paraffinum Liquidum أو Liquid Paraffin- Isoparaffin- أو Cera Microcristallina

(ودول ممكن تلاقي حاجة فيهم على الأقل مع الأسف في 50% من منتجات البلسم الموجودة في السوق)

المكونات دي بناء على الأبحاث الموجودة في (WebMD , Mayo Clinic) بيخلوا البلسم دوره عمل طبقة سطحية بس ومش بيخترق الشعر بعمق. وبالذات مع الاستخدام كتير المواد دي بتتراكم وبتخلي الشعر شكله دهني من برة وجاف من جوه.

1 – استخدام البلسم العادي للشعر:

الحل البديل:

دوري على بلسم خالي من المكونات اللي قولناها واستخدمي ماسك عميق بمواد طبيعية مرطبة (زي زبدة الشيا أو زيت جوز الهند أو جل الألوڤيرا) مرة في الأسبوع وده هيخلي شعرك مترطب بعمق من غير أي ضرر ليه.

2- ترطيب الشعر من الجذور والفروة لحد الأطراف:

2- ترطيب الشعر من الجذور والفروة لحد الأطراف:

المقصود هنا بالتحديد هو استخدام الزيوت والكريمات التقيلة مباشرة على فروة الشعر والجذور كـ “ليف ان”، وده طبعاً غير إنه بيسد المسام وبيعمل قشرة وأوقات بيسبب تساقط الشعر، إلا إن حتى الفايدة اللي منتظراها منه وهو ترطيب عميق للشعر .. مع الأسف مع الوقت مش هتحصل، وده لأنك بتضعفي الشعراية من جذورها ومش بيوصلها الغذا الطبيعي بشكل كافي بالتالي مع الوقت هتتقصف.

الحل البديل:

في تسريح الشعر استخدمي منتجات الـ ليف ان على الشعر من نص الشعراية لحد الأطراف، ولو بتعملي حمام كريم دوري على منتج طبيعي خالي من المواد الكيميائية المضرة وطبعاً هتغسليه مش هتسيبيه على الشعر، من هنا تقدري تعرفي ازاي تستخدمي زبدة الشيا كبديل لحمام الكريم لترطيب الشعر بشكل عميق وعلاج التساقط.

3- كمية مرطب الشعر:

استخدام كمية كبيرة من المرطب مش بيزود درجة الترطيب مع الأسف بيعمل العكس لأنه باختصار تكرار استخدام كميات كبيرة من الكريمات التقيلة بيأدي لإنها تتراكم على الشعر، وده بيخليه يبان مترطب ومش هايش من برة وجاف من جوه.

✅ الحل البديل:
استخدمي كمية قليلة من المرطب وبعدها زودي لو شعرك احتاج،
الكمية المناسبة: قد نص عقلة الصباع وممكن تزيد حسب طول وكثافة شعرك.

4- استخدام الزيوت لترطيب الشعر:

4- استخدام الزيوت لترطيب الشعر:

استخدام الزيوت في حد ذاته مفيهوش أي مشكلة، لكن استخدامها على شعر جاف بيتسبب في تكوين طبقة خارجية من غير ترطيب داخلي، فده بردو بيخلي الشعراية كأنها مترطبة بس هي جافة من جوه

الحل البديل:

استخدمي الزيوت على شعر مندي (مش مبلول عشان لو مبلول ممكن يتساقط وانتي بتسرحيه)، استخدام الزيوت على شعر مندي هتحبس الترطيب ده جوا الشعراية، وطبعاً مع التغذية السليمة هتحافظي على شعر مترطب بعمق من جوا وشكله ناعم وطري من برا.

5- استخدام كريمات الـ ليف ان:

مشاكل كريمات الليف إن في نقطتين:

مكوناتها: ودي تقدري تتغلبي عليها عن طريق إنك تدوري على ليف إن خالي من السليكون والزيوت المعدنية أو الكحوليات الجافة زي Isopropyl Alcohol، SD Alcohol 40، Ethanol.
القاعدة الكريمية: قاعدة الكريم في بعض أنواع الـ”ليف إن” التقيلة بتحتوي على مكونات مش مناسبة لكل أنواع الشعر، وبتكون ضارة خصوصاً للشعر الناعم أو الخفيف. لما بتتراكم الطبقة الكريمية على الشعر، بتسد المسام وبتخلي الشعر يظهر زي الدهني ويخلي فروة الرأس كأنها مش نضيفة. وكمان بيزود مشكلة الهيشان، لأن الشعر بيكون جاف من جوه ومترطب بشكل سطحي بس،وبالتالي على المدى البعيد بيسبب تكسر وتقصف وهيشان الشعر.

الحل البديل:

استخدام ليف ان طبيعي أو خالي من المكونات الكيميائية الضارة، زي زبدة الشيا لعلاج تقصف وعلاج هيشان الشعر، ولو حاسه إن زبدة الشيا هتكون زيها زي الكريمات التقيلة، فمتقلقيش… زبدة الشيا الطبيعية قوامها تقيل لكن هي خفيفة على الشعر وبيمتصها بسهولة (بشرط تستخدمي منها كمية قليلة بردو).

وعشان تتأكدي.. من هنا هتشوفي آراء أكتر من 100 بنت وأم استخدموا المنتج وبيقولوا مميزاته وعيوبه، وفي نفس الصفحة هتلاقي ازاي تشتري زبدة شيا بشكل عام حتى لو مش من Lenabel (by Pureness Shea) وازاي تتأكدي إنها مش مغشوشة.

ملحوظة: زبدة الشيا مش مناسبة للشعر عالي البروتين، من هنا تقدري تشوفي اختبار بروتين الشعر وتتأكدي هل مناسبة لشعرك ولا لأ

اقرأي اكتر

بنفكرك لو عندك أسئلة عن زبدة الشيا لعلاج هيشان الشعر أو ازاي تعالجي تقصف وهيشان بشكل عام قوليلنا في تعليق آخر المقال وهنرد
عليكي خلال 24 ساعة
وتقدري تعرفي أكتر من هنا 👈عن روتين العناية بالشعر الهايش و الجاف وازاي تغسلي شعرك وتستخدمي منتجات العناية بالشعر بطريقة مناسبة

الأسئلة الشائعة عن علاج تقصف الشعر وعلاج هيشان الشعر:

كيف أعالج تقصف الشعر في المنزل؟

عشان تعالجي تقصف الشعر في البيت بشكل عملي وسهل، ركزي على استخدام ماسكات طبيعية، زي ماسك زبدة الشيا أو زيت جوز الهند مرة في الأسبوع. وركزي كمان على استخدام الزيوت المرطبة، زي زيت الزيتون وزيت الجوجوبا، مهمين جدًا لأنهم بيقفلوا أطراف الشعر ويقللوا من التلف.
لكن خلي بالك تستخدميهم على شهر مندي لو هتستخدميهم للتسريح وعلى أطراف الشعراية لحد نص الشعراية بس.
وحاولي كمان تتجنبي استخدام المكواة والسيشوار على درجات حرارة عالية؛ اعتمدي درجات باردة لو ضروري.

يعني باختصار عشان تعالجي التقصف في المنزل ركزي على الـ 4 نقط دول:

استخدام مرطبات طبيعية: زبدة الشيا، زيت الزيتون.
اتجنبي استخدام المكواة والسيشوار على درجة حرارة عالية.
قصي الأطراف بشكل منتظم.
ابعدي عن منتجات العناية بالشعر اللي بتحتوي على سليكون وكحول وزيوت معدنية.

هل يمكن علاج تقصف الشعر بدون قص؟

آه، فيه طرق تقلل التقصف من غير قص، لكن بننصحك بردو بقص الأطراف بشكل منتظم كل فترة (ومش شرط تقصي كتير من طول الشعر مجرد الأطراف) وبشكل عام تقدر تعالجي تقصف الشعر عن طريق استخدام كريمات عميقة الترطيب زي زبدة الشيا، اللي بتخترق جذع الشعر وترطبه بعمق والزيوت الطبيعية زي زيت الأرغان، اللي بيعمل طبقة حماية.

وبشكل بسيط حاولي تطبقي الـنصايح دي:

استخدمي منتجات طبيعية زي زبدة الشيا كـ Leave-in.
استخدمي ماسك ترطيب أسبوعي.
اتجنبي العادات اللي بتضر الشعر زي التمشيط العنيف أو استخدام المكواة والسيشوار على درجة حرارة عالية.

هل الفازلين يزيل التقصف؟

الفازلين مش علاج مباشر للتقصف، لكنه ممكن يكون مفيد في حماية الأطراف لو تم استخدامه بكمية صغيرة. هو بيعمل طبقة بتمنع فقدان الرطوبة لكن مش بيغذي الشعر أو يعالجه بعمق.

ميزة: يمنع تبخّر الرطوبة.

عيب: مش بيخترق الشعرة، وده معناه إن تأثيره سطحي.

حل أفضل: بدل الفازلين، استخدمي زيت جوز الهند أو زبدة الشيا، اللي بيرطبوا وبيخترقوا الشعر بشكل أعمق وبيساعدوا على تقليل التقصف فعليًا.

شعري متقصف جدا ماذا أفعل؟

لو شعرك متقصف جدًا، اعملي روتين مكثف لعلاج الشعر:

حمام كريم بزبدة الشيا: مرة أسبوعيًا لترطيب عميق.
استخدمي ليف ان طبيعي زي زبدة الشيا أو زيت الأرجان أو زيت جوز الهند: على الأطراف يوميًا لتقليل التقصف.
قص الأطراف: قصي أطراف الشعر بانتظام لتقليل التقصف المتراكم.
استخدمي منتجات خالية من السلفات: السلفات بتجفف الشعر، اختاري شامبو طبيعي أو خالي من السلفات.

ما هو الزيت الذي يعالج تقصف الشعر؟

أفضل الزيوت لعلاج التقصف هي الزيوت اللي بتحتوي على أحماض دهنية بتخترق الشعرة، ومنها:

زيت الأرجان: غني بفيتامين E ويعمل على حماية الشعر وتغذيته.
زيت جوز الهند: قدرته على اختراق الشعر بتخليه مثالي لعلاج التقصف وتقوية الشعر من الداخل.
زيت الزيتون: غني بمضادات الأكسدة وفيتامينات B وE اللي بيساعدوا في ترميم الأطراف.

طريقة الاستخدام:

دلكي شعرك بأي من الزيوت دي، ولفيه بفوطة دافية لمدة 20-30 دقيقة، وبعدها اغسليه بالشامبو ويفضل يكون شامبو خالي من السلفات.

هل زيت الزيتون يزيل التقصف من الشعر؟

زيت الزيتون بيعتبر من أفضل الزيوت اللي بتساعد على تقليل التقصف، لكنه مش بيزيل التقصف القديم تمامًا؛ يعني الأفضل قص الأطراف المتقصفة أولاً.

طريقة الاستخدام:

استخدمي كمية قليلة من زيت الزيتون على أطراف الشعر لحد نص الشعراية (مش على الجذور ولا فروة الشعر) وسيبيه لمدةنص ساعة وبعدها اغسليه بشامبو خالي من السلفات.